ILOILO CITY – Ginpa-Bombo sang pila ka mga couple ang ginhimo nga pagpanunto ang kontrobersyal nga Wedding Packages Iloilo.
Sa interview sang Bombo Radyo kay alyas Myrna, tiya sang groom, iya ginpahayag nga indi na ma-contact kag indi na makita ang wedding planner nga si Karen Faith Alejandro, residente sang New Lucena, Iloilo apang temporaryo nga nagapuyo sa Barangay Sambag, Jaro, Iloilo City.
Suno pa sa iya, nahatag na sang couple ang P220, 600 bilang full payment sa serbisyo ni Alejandro.
Ang kasal ang naka-schedule kuntani sa Disyembre 27.
Sang Disyembre 12, nahibaluan sang groom nga wala natuman ang tanan nga nahisugtan sa kontrata lakip na ang mga invitation cards, ang reception kag ang schedule sa simbahan.
Tubtob subong, indi sa gihapon ma-contact si Alejandro.
Ang Facebook page sang Wedding Packages Iloilo ang deactivated na.
Indi ini ang una nga beses nga may nagreklamo nga gintunto sang amo nga wedding planner.
Bukas naman ang linya sang Bombo Radyo sa sabat ni Karen Faith Alejandro.
