ILOILO CITY – Temporaryo nga ginpasiraduhan ni Iloilo City Mayor Jerry Treñas ang isa ka kiosk sa Versteck sa Barangay San Rafael, Mandurriao kun sa diin ginapahayag natabo ang excessive public display of affection kun sa diin una nga ginpahayag nga mga menor de edad ang involved.
Sa interview sang Bombo Radyo kay Mr. Nestor Canong, head sang Task Force on Morals and Values Formation, iya ginpahayag nga makahuluya kag eskandaluso ang akto sang duha ka pamatan-on sa Nikito’s Pizzeria nga amo ang nangin rason sa pagpasirado sang kiosko.
Dugang pa niya, nagalapas sa moral nga aspeto ang ginhimo sang duha.
10 ka adlaw nga mangin sirado ang amo nga kiosko.
Nagdepensa naman si Canong kun ngaa nga madugay ang ila nangin akto.
Suno sa iya, ang closure order ang nag-agi sa maid-id nga proseso.
