ILOILO CITY – Nagsaka ang slots nga gin-allocate para sa Western Visayas sa masunod nga tuig para sa Pantawid Pamilyang Pilipino Program.
Sa interview sang Bombo Radyo kay Belen P. Gebusion, 4Ps Division Chief sang Department of Social Welfare and Development Region VI, iya ginpahayag nga magasaka sa 345,000 ka mga slots ang mangin available sa masunod nga tuig nagikan sa 325,436 slots nga gin-allocate sa Western Visayas subong nga tuig.
Buot silingon, may yara sang dugang nga 20,000 slots.
Samtang, may yara naman sang indi magnubo 18, 000 ka mga benepisyaryo nga posible kakson sa listahan sang programa subong nga tuig.
Sa masunod nga tuig, may yara man sang ginabanta 20, 000 ka mga benepisyaryo nga kakson sa listahan.
Bangud sini, may yara sang dugang nga 50, 000 tubtob 60, 000 ka mga slots nga mangin available.
