Epektibo na subong nga Martes ang pagsaka sa presyo sang produktong petrolyo matapos ang serye sang rollback nga ginpatuman sang nagliligad nga mga semana.
DIESEL – nagsaka sang P2.90 sa kada litro.
KEROSENE – nagsaka sang P1.65 kada litro.
GASOLINA -nagsaka sang P0.70 kada litro.
Base sa data sang Department of Energy, yari ang ginsaka sa presyo sang produktong-petrolyo halin sang Enero tubtub subong nga katapusan nga ginpatuman ang price hike:
– P13.25 per liter sa gasolina
– P24.60 per liter sa diesel
– P19.15 per liter sa kerosene
Ini nga pagsaka ang naga-reflect sa hulag sang presyo sa international oil market.
Una na nga ginpahayag sang Department of Energy-Oil Industry Management Bureau nga may labot ini nga price hike sa impact sa bag-o lang ginpaguwa nga projections sang International Energy Agency kag sang Organization of the Petroleum Exporting Countries nga may yara sang rising oil demand sa masunod nga tuig.
Ginalantaw sang International Energy Agency nga magasaka ang oil demand sang 1.7 million barrels per day sa 2023, samtang gina-project naman sang Organization of the Petroleum Exporting Countries nga magasaka ini sang 2.55 million barrels per day.
