ILOILO CITY- Ginlamon sang kalayo ang masobra 10 ka mga balay sa nagluntad nga sunog sa Zone 1, Brgy. Compania, Molo, Iloilo City.
Siyam ka balay ang totally burned kag tatlo naman ang partially burned.
Kapin 15 naman ka firetrucks ang nagresponde sa lugar.
Nagbululigay man ang mga residente sa pagbasya sang tubig agud madasig nga mapalong ang kalayo.
Wala naman sang nasamaran sa insidente.
Padayon pa ang imbestigasyon sang otoridad agud matumod kun diin nag-umpisa ang kalayo kag agud mahibaluan ang balor sang nahalitan nga propedad.
