ILOILO CITY – Nagsugod na ang deployment sang Philippine Coast Guard sa mga ports kag port terminals may kaangtanan sa holiday season.
Sa interview sang Bombo Radyo kay Commander Paterno Belarmino, Jr., station commander sang Philippine Caost Guard-Iloilo, iya ginpahayag nga nagsugod ang deployment sang Disyembre 15 kag magatakup sa Enero 7.
Suno pa kay Belarmino, may yara sang ginpahamtang nga Malasakit Help Desk sa tagsa ka terminal kun sa diin, may naka-duty nga medical team kag K9 units.
Nakahanda man suno sa iya ang floating asset sang ahensya.
Subong nga holiday season, ginalauman ang pagdamo sang pasahero nga magabakasyon kag magapauli sa Iloilo.
Nagpanugyan naman ang natungdan sa mga byahero nga likawan ang pagdala sang makamamatay nga hinganiban kag subong man, flammable materials bangud nga kuhaon ina sang mga personnel.
