ILOILO CITY – Magapasakop sa mas madamo pa nga competitions ang Ilongga dancer nga nagkampyeon sa Juvenile C Solo Female Latin sa nagtakop nga Batang Pinoy National Championships 2022 nga ginpatigayon sa Vigan City, Ilocos Sur.
Sa interview sang Bombo Radyo kay Maxene Dawn Ortega, Grade 4 student sang St. Robert’s International Academy, iya ginpahayag nga proud kag malipayon siya sa iya kadalag-an.
Suno sa iya, bata pa lamang siya, nakahiligan na niya ang pagsaot.
Sa isa ka adlaw, apat ka oras siya nga naga-practice upod sa iya personal coach.
Sa subong, tinguha-an ni Maxene nga mag-ensayo pa sang maayo bilang pagpanghanda sa madamo pa nga mga competitions.
