ILOILO CITY – Gin-ako sang Department of Education- Region VI nga manubo ang basic literacy sa mga estudyante sa pagbalik sang face-to-face classes.
Ini ang bangud sa epekto sang Coronavirus disease 2019.
Ang basic literacy skills ang ginalakipan sang pagbasa, pagsulat, pag-isip kag simple nga pag-intindi.
Sa probinsya sang Iloilo, nagatutok na ang mga eskwelahan sa Basic Education Learning and Recovery Continuity Plan agud nga ma-address ang problema.
Sa interview sang Bombo Radyo kay Mr. Leonil Salvilla, spokesperson sang Department of Education-Division of Iloilo, iya ginpahayag nga subong nga tuig, liwat nga ilunsyar ang “Bulig Basa Program” sa probinsya.
Ang “Bulig Basa Program” ang isa ka programa nga gin-introduce sang division office kun sa diin, ginatutukan ang mga estudyante nga yara sa pa sa “full refresher level” pinaagi sa paghatag sang tyempo sa remedial reading classes.
Bangud sini, nangin “grade-level ready” na ang mga estudyante.
Sa masunod nga tuig, may yara sang patigayunon nga Literacy and Numeracy Summit ang regional office kag ang tanan nga school divisions sa bilog nga rehiyon ang magapasakop.
