Magagamit ang Miss Universe sang sustainable sashes para sa 71st edition sang pageant nga patigayunon na sa Enero 2023.
Suno sa organisasyon, human ang sash sa 100% post-consumer recycled fabric kag thread kag ethically produced rhinestones.
Ginalauman nga paagi sa sini, mapabilin ang commitment sang organisasyon nga mabuhinan ang plastic kag waste sa palibot kag ma-promote ang green environment.
“We hope our commitment to sustainability will reduce the overall amount of plastic and waste in the environment. This is one small step of many we hope to make in the future as small actions by corporations and organizations will have the greatest impact on making a greener future for all,” suno sa Miss Universe Organization.
Sang nagligad lang nga semana sang ginsapubliko sang Miss Universe kag Mouawad ang “Force for Good” crown nga human sa sapphires kag diamonds.
Matabo ang Miss Universe 2022 sa January 14, 2023 sa New Orleans, Louisiana kun sa diin tiglawas sang Pilipinas ang Filipina-Italian beauty nga si Celeste Cortesi.
