ILOILO CITY – Kuntento sa gihapon si Iloilo City Mayor Jerry Treñas sa overall performance sang mga department heads apisar sa pagtawag ni Kagawad Plaridel Nava nga incompetent ang pila sa ila.
Sa interview sang Bombo Radyo kay Mayor Treñas, iya ginpahayag nga indi magbag-o ang iya nabatyagan kun ang performance sang mga department heads sang Iloilo City Hall ang basehan.
Suno sa alkalde, nangin dako nga pagpanghangkat sa mga empleyado sang syudad sang pandemya apang nakita niya ang maayo ang performance sang mga ini.
Nagpromisa man ang alkalde nga tinguhaan nga mas mangin maayo ang pag serbisyo ilabi na sa paghatagay sang sweldo sa mga empleyado.
Dugang pa sang natungdan, maayo nga yara ang presensya ni Nava nga amo ang nagapahanumdom sa ila.
Ginatun-an man sang syudad kun mahimo nga ipa-agi nalang sa ATM card ang pagbaton sang sweldo sang mga job hires kaangay sa regular employees.
