ILOILO CITY – Nagdangat sa P250, 000 ang balor sang iligal nga papulok, lakip na ang mga ingredients sa paghimo sini, ang nakumpiskar sang Iloilo City Fire Station.
Sa interview sang Bombo Radyo kay Fire Officer 1 Victor Cape, iya ginpahayag nga ang mga nakuha nga iligal nga palupok ang nagikan sa Muelle Loney sa Iloilo City Proper, sa Sto. Domingo, Sta. Filomena kag Sta. Cruz sa Arevalo.
Dugang pa niya, kalabanan diri nga nakuha amo ang kamara, triangulo, kwitis kag ang iban ang mga ingredients sa paghimo sang palupok.
Diri sa syudad kag probinsya sang Iloilo, wala sang may ginhatagan sang permit agud nga mag-manufacture sang ano man nga sahi sang palupok kag pyrotechnics.
Ang mga na-confiscate nga mga palupok ang i-dispose sa tion nga mapaslawan sa gihapon nga magpresentar sang nagakaigo nga dokumento ang mga nadakpan.
Sa subong, yara ini nahamtang sa opisina sang Iloilo City Fire Station.
