ILOILO CITY – Nagdangat na sa 14 ang na-record nga kaso sang firecracker-related injuries sa probinsya sang Iloilo.
Sa data sang Iloilo Provincial Government, may tag-isa nga na-record sa banwa sang Sta. Barbara, Dingle, Oton, Leganes, Maasin, Passi City, Sara, Cabatuan, Lemery, Dueñas, Calinog, San Enrique, San Miguel kag Zarraga.
Sa interview sang Bombo Radyo kay Dr. Ma. Soccoro Quiñon, pinuno sang Iloilo Provincial Health Office, iya ginpahayag nga nagalaum ini nga kumpleto gid ang tanan nga bahin sang lawas sang Ilonggo sa pagbukas sang 2023.
Bangud sini, nagpanugyan ini sa publiko nga maghalong gid sa pagpalupok.
Bantayan man suno sa iya ang mga kabataan bangud sa amo nga data, kalabanan sa napilasan ang naga-edad 10 kag panubo.
Dugang pa sang natungdan, ang probinsya sang Iloilo ang sa subong, may pinakamataas nga record sa bilog nga Western Visayas.
