ILOILO CITY – Matapos ang masobra 50 ka tuig, nagaplano ang isa ka lalaki sa Uganda nga untaton na gid man ang pagpadamo sang iya pamilya.
Ang 67 nga si Mzee Musa Hasahya ang may yara sang 12 ka mga asawa, 102 ka kabataan kag 568 ka mga apo.
16 anyos pa lamang si Hasahya sang nagpangasawa ini tubtob nga naglab-ot sa 12 ang iya asawa.
Ang rason niya kun ngaa nga madamo ang iya asawa amo nga bangud duha lamang sila sang iya utod gani nakulbaan ini nga basi kun mapanas lang ang ila nga clan.
Ang subang nga anak ni Hasahya ang mas tigulang sa iya pinakabata nga asawa sang 21 ka tuig.
Suno sa asawa, apisar nga 67 anyos na si Hasahya, ang energy daw pang-25 anyos lang.
Apang, wala gid nag-ugyon ang panahon.
Bangud sang tuman na ka dako nga gasto, ginbaya-an ini sang anum niya nga asawa.
Ang negosyo niya ang amat-amat naman nga nagakaputo.
Gani, nagdesisyon si Hasahya nga pagamiton na sang contraceptives ang nabilin niya nga anum ka mga asawa agud nga indi na magdala pa.
