ILOILO CITY – Nakaguwa na sa ospital ang 21 ka mga indibidwal nagikan sa probinsya sang Iloilo nga nakaangkon sang pilas sa nanari-sari nga bahin sang lawas bangud sa pagpalupok samtang may duha naman nga nagapabilin sa ospital.
Sa data sang Iloilo Provincial Health Office, humalin sang Disyembre 21, 2022 tubtob Enero 1, 2023, kabug-usan nga 23 ang kaso sang firecracker related injuries sa probinsya.
Ini ang pinakamataas nga narekord sa Western Visayas.
Sa interview sang Bombo Radyo kay Dr. Rodney Labis, head sang Health Service Delivery Division sang Provincial Health Office, iya ginpahayag nga 11 ka mga indibidwal ang nakaangakon sang ‘eye injury’, 11 man ang ang may ‘blast injury with no amputation’ kag isa ang may ‘blast injury with amputation’ sa diin ang iya ika-apat kag ika-lima nga tudlo sa nawala nga kamot amo ang gin-utod.
Kadam-an sa mga biktima sang palupok ang naga-edad 1-10 nga may 62% kag 11-20 years old nga may 11 percent.
Kumon nga gingamit sa pagpalupok suno kay Dr. Labis amo ang boga, triangulo, 5 star, kwitis, kamara kag whistle bomb.
