ILOILO CITY – Nakagwa na sa presuhan ang store owner nga nagpalupok sang armas sa Zone 2 Barangay Rizal, La Paz, Iloilo City pila ka oras antes ang bag-ong tuig kun sa diin, isa ka babayi ang napilasan.
Ang biktima sa amo nga insidente amo si Kate Nichole Cambronero, 20, nga nakaangkon sang pilas sa iya nga wala nga tuhod; samtang ang gindakop naman amo si Nilo Magcanam, 44, kag residente sang nasambit nga barangay.
Sa interview sang Bombo Radyo kay Police Major Jose Val Ladublan, hepe sang La Paz Police Station, iya ginpahayag nga nagpirma sang affifavit of non-interest ang pamilya sang biktima.
Ang nagpalupok man mismo ang nagbayad sang gasto sang biktima sang ospital.
Indi naman maka-file sang kaso ang kapulisan bangud nga wala sila sang may ginakaptan nga ebidensya.
