Nagbuya ang football superstar nga si Cristiano Ronaldo nga luyag sini nga mangguba sang rekord sa iya nga pag-abot sa bag-o nga club nga Al Nassr sa Saudi Arabia.
Ginpahayag man sang 37-anyos nga Portuguese forward nga isa siya ka sahi sang unique player kag apisar sang iya nga edad, indi pa tapos ang iya karera sa football.
Matandaan nga nagdangat sa $211m ukon P11.8 billion ang ginpirmahan nga kontrata ni Ronaldo sa Saudi matapos ang indi paghangpanay sa una nga club nga Manchester United.
“I’m a unique player. It’s good to come here, I broke all the records there (in Europe) and I want to break a few records here,” suno sa football superstar.
Suno pa kay Ronaldo, ginpang-turn down niya ang mga tanyag halin sa Brazil, Australia, US, kag mangin sa Portugal kag ginpasulabi ang Saudi kun sa diin magahampang siya sa bag-o nga club tubtub sa 2025.
Ulihi nga nakit-an si Ronaldo sa paghampang para sa Portugal sa World Cup sa Qatar. Sa ila opening game batok sa Ghana, naghimo siya sang maragtas bilang labing-una nga footballer nga naka-skor sa lima ka edition sang World Cup.
