Naka-abot na kag naka-ensayo sa Melbourne ang 17-anyos nga Filipino tennis star nga si Alex Eala samtang nagahanda para sa iya una nga Women’s Grand Slam stint sa Australian Open.
Ika-numero 215 subong si Eala sa Women’s Tennis Association kag tinguhaan sini nga malab-ot ang main draw sang iya una nga professional Grand Slam stint.
Si Eala nga isa ka Rafael Nadal Academy scholar amo ang una nga Singles Grand Slam champion sang Pilipinas matapos ini nagpangibabaw sa 2022 US Open Girls’ tournament.
Nakadaog man siya sang duha ka junior Grand Slam doubles championships sa Australian Open tatlo ka tuig na ang nakaligad.
Tatlo ka adlaw lang ang nakaligad sang nag-compete siya sa W60 Canberra apang napierde siya sa second round sang qualifiers. ##
