Imbukada pa lang sang Enero 2023, gintapos na ni Melvin Jerusalem ang madugay na nga paghulat sang mga Pinoy nga makaangkon liwat sang world champion sa boxing matapos gin-agaw sini ang WBO world minimumweight title sang ginlutos sini paagi sa second-round technical knockout si Masataka Taniguchi sa EDION Arena in Osaka, Japan.
Duha ka minutos ang nabilin sa second round sang gintumba sang 28-anyos nga General Santos City native ang hometown favorite. Gintinguhaan pa sang defending champion nga ma-beat ang mandatory eight-count, apang wala na natigayon kag gin-untat na sang referee nga si Robert Ramirez Jr. ang sambuwa.
Yara na sa 1:04 sang second frame ang official time sa pag-untat sa hampang.
Si Jerusalem na ang bag-o nga WBO 100-pound champion, kag nag-improve na ang professional record sa 20-2 nga may 12 ka knockouts.
Antes ang pagdaog ni Jerusalem, nawad-an sang world boxing champion ang Pilipinas kasunod sang asud-asud nga kalutusan nanday Mark Magsayo, Nonito Donaire Jr. kag Rene Mark Cuarto sang nagligad nga tuig.
Sang nagligad man nga tuig sang ginkakasan sang WBO world bantamweight belt si John Riel Casimero.##
