ILOILO CITY – Ginpasalig sang Iloilo City Police Office nga indi pagsakiton ang mga menor de edad nga na-apprehend sa nagapadayon nga kampanya sang curfew for minors sa syudad.
Sa interview sang Bombo Radyo kay Police Colonel Leo Batiles, director sang Iloilo City Police Office, iya ginpahayag nga may salabton ang sin-o man nga pulis nga magsakit sa mga menor de edad.
Sa tion nga may madakpan, ginakustodiya anay sang pulis ang menor de edad, gina-imbestigaran kag gin-turn over sa social worker sa tagsa ka barangay nga amo naman ang magapatawag sang ginikanan.
Nagpanugyan naman si Batiles sa mga menor de edad nga ang ginapatuman nga curfew minors ang maayo para sa ila.
Ang curfew para sa mga menor de edad ang nagasugod alas-10 sa gab-i.
