ILOILO CITY – Nagaplano ang probinsya sang Iloilo nga magdihon sang memorandum of agreement upod sa Department of Health nga iderekta download ang pondo sa provincial government para sa mga healthcare workers.
Sa interview sang Bombo Radyo kay Dr. Ma. Soccorro Quiñon, pinuno sang Iloilo Provincial Health Office, iya ginpahayag nga ini ang may katuyu-an nga mapadali ang paghatag sang benepisyo sa mga healthcare workers sang probinsya.
Sa amo nga memorandum, ang pondo ang direkta nga i-download sa probinsya kag ang probinsya na ang magaproseso sang mga payrolls.
Nagdihon na sang letter of endorsement si Iloilo Governor Arthur Defensor, Jr. sa Sangguniang Panlalawigan apang wala nahingagaw sang nagligad nga tuig.
Posible nga subong nga semana, ma-tackle na ini sang Sangguniang Panlalawigan.
