Nalab-ot na sang 2022 Metro Manila Film Festival (MMFF) ang target sini nga P500 million sa gross sales.
Suno sa Metro Manila Development Authority (MMDA), certified box-office hit ang natabo sa film festival sang 2022.
Walo ka mga pelikula ang ginpaguwa sang MMFF sa mga sinehan nga ginlantaw halin sang Dec. 25 to Jan. 7, 2023.
Una na nga ginpahayag sang Metro Manila Development Authority nga i-extend ini tubtub sa Enero 13.
Base sa gross sales receipts, ang nagpanguna sa eight movies nga may pinakamataas nga sales amo ang Deleter, Family Matters, Labyu with an Accent, kag Partners in Crime.
Matapos sini, ang sunod nga balantayan amo ang Metro Manila Summer Film Festival sa April 1, kag sa April 11 naman ang awards night.
