ILOILO CITY – Patigayunon na subong nga adlaw ang Opening Salvo sang Dinagyang Festival 2023.
Ini ang magasugod ala-una sa hapon tubtob alas-sais sa gab-i sa apat ka mga judging areas sa dalan Iznart, Ledesma, Valeria, Quezon kag porsyon sang Ledesma.
Sa Opening Salvo, masaksihan ang patilaw nga performance sang walo ka mga competing tribes sa Barangay Tribes Competition nga amo ang Tribu Sagasa, Tribu Ilonggohanon, Tribu Sagrada Familia, Tribu Molave kang Salog, Tribu Kanyaw sang Baybayanon, Tribu Parianon, Tr
Magapakita man sang patilaw nga performance ang pito ka mga tribu sa Dinagyang Ilomination Tribes Competition nga nagikan sa pito ka mga distrito sang syudad.
Maga-present man ang 18 ka mga kandidata sa Miss Iloilo 2023.
Pagkatapos sini, may patigayunon nga Opening Salvo Concert ang Philippine Philharmonic Orchestra, alas-6:30 sang gab-i sa Iloilo Convention Center.
Samtang, agud nga maghatag sang ligwa sa Opening Salvo, nagpagwa sang executive order si Iloilo City Mayor Jerry Treñas nga nagdeklarar nga suspendido ang tanan nga klase umpisa karon sa udto.
Sa bahin sang Iloilo City Police, nakahanda na ang talatapan sa paghatag sang seguridad.
Sa interview sang Bombo Radyo kay Police Lieutenant Colonel Rene Obregon, Jr., deputy city director for operations, iya ginpahayag nga halos 300 nga mga personnel ang iga-deploy subong nga adlaw.
Dugang pa ni Obregon, epektibo na subong nga adlaw ang gun ban kun sa diin, suspendido ang Permit to Carry Firearm Outside of Residence sang tanan nga gun holders magluwas lamang sa katapo sang Philippine National Police, Armed Forces of the Philippines, kag iban pa nga law enforcement agencies.
Ini nga gun ban ang magalawig tubtob sa Enero 22, alas-11:59 sa gab-i.
Nagpanugyan man si Obregon nga ang kapulisan ang magapatuman sang hugot nga pagsulundan gani ginapangayo ang pag-intindi sang publiko.
