ILOILO CITY – Nagpasalig si Secretary Manuel Bonoan nga bayaran sang ahensya ang mga pumuluyo nga na-apektuhan sang ginpatigayon nga road widening bangud sang pagpatukod sang Ungka flyover.
Sa interview sang Bombo Radyo kay Secretary Bonoan, iya ginpahayag nga padayon pa ang negosasyon sa mga apektado.
Dugang pa niya, indi pagkuha-on sang ahensya ang lupa kag propyedad sang mga pumuluyo nga wala sang bayad.
Naglahog pa ini nga wala siya sang dala nga kwarta sang nagpatigayon sang inspection.
Nahibaluan nga nagareklamo ang mga pumuluyo nga naga-istar sa kilid sang Ungka Flyover nga apektado sang road widening bangud tubtob subong, wala sila sa gihapon makabaton sang bayad halin sa ahensya.
