Ginpaathag sang Department of Agriculture (DA) nga mas nagagamay pa ang produksyon sang itlog bangud sa kabugnaw sang tyempo kag mahal nga presyo sa feeds.
Sa interview sang Bombo Radyo kay Maria Teresa Solis, head sang Agribusiness and Marketing Assistance Division sang DA Region 6, iya ginpahayag nga kun mabugnaw ang tiempo, mas gamay ang mga itlog nga ma-produce sang layers.
Bangud mataas man ang presyo sang raw materials sa paghimo sang feeds, apektado man sini ang produksyon.
Ini magluwas pa sa una nga pahayag sang central office nga epekto pa sang bird flu ang nakit-an nga pagsaka subong sa presyo sang mga itlog mangin sa National Capital Regon (NCR).
Para sa egg supplies sa Western Visayas, may yara man sang ginakuha gikan sa Bantayan, Cebu kag may yara man sang backyard kag commercial raisers sa rehiyon apang indi malab-ot ang demand sa merkado halin pa sang nagligad nga Disyembre.
Sa lebel sang Rehiyon VI, Disyembre pa lang suno kay Solis, sandig sa price monitoring sa Iloilo Terminal Market, Iloilo Central Market, kag pila ka selected public markets, ang medium-sized nga itlog ang ginabaligya na sa P8 halin sa una nga presyo nga P7.50.
May yara man nga nagabili na sang P10 kada isa.
Bangud sino sa suno sa agriculture department, lauman nga sunod man nga magasaka ang presyo (ukon magagamay ang size) sang pastries, tinapay, cakes kag iban pa nga produkto nga ginagamitan sang itlog. ##
