Sa price monitoring sang Department of Agriculture (DA), wala sang nakit-an nga pagbahar sa presyo sang bombay sa Western Visayas.
Sa interview sang Bombo Radyo kay Maria Teresa Solis, head sang Agribusiness and Marketing Assistance Division sang DA Region 6, iya ginpahayag nga yara gihapon sa P400-P600 ang presyo sa kada kilo sang bombay sa mga merkado sa rehiyon.
Ini apisar nag-umpisa na ang harvest season sa Regions I, III, kag V.
Suno pa sa opisyal, sa Pebrero, sa pag-abot sang 21,060 metriko tonelada sang bombay nga amo ang gin-import sang gobyerno, diri pa lang kag ginalauman nga maganubo ang presyo.
Samtang wala naman sang suplay sang white onions sa rehiyon suno sa natungdan bangud ginpa-pull out sang Bureau of Plant Industry (BAI) bangud sa safety issues matapos ginpahayag nga gin-smuggle lamang ini nga produkto.
Una na nga ginpahayag sang central office sang Agriculture department nga 25% sang imported onions ang ipain sa Visayas, 25% man sa Mindanao, samtang 50% ang ipain sa Luzon. ##
