ILOILO CITY – Nagpanugyan si Iloilo Second District Representative Michael Gorriceta sa publiko nga magbalon sang tabungus nga pasensya sa tion nga maglabay sa wala sa gihapon ginabuksan nga P680-million nga Ungka flyover.
Sa interview sang Bombo Radyo kay Gorriceta, iya ginpahayag nga agud nga mas maayo nga mag-agi sa Ungka flyover 30 minutos antes ang peak hour ukon magpangita sang alternative route.
Ini agud nga indi ma-ulihi sa appointment.
Sa subong suno kay Gorriceta, nagpasalig ang contractor nga International Builders Corporation kag mangin si Department of Public Works and Highways Secretary Manuel Bonoan nga palaparon ang dalan sa idalom sang flyover agud nga ma-decongest ang trapiko.
Ang panibag-o nga road widening program ang na-istoryahan nga temporaryo nga solution bangud nga indi sa gihapon mahimo maagyan ang flyover kasunod sang pahayag ni Bonoan nga may paghulag pa sa pundasyon sini.
