ILOILO CITY – Indi na magpangakig si USWAG Ilonggo Party-list Representative Jojo Ang sa mga opisyal sang Department of Public Works and Highways may kaangtanan sa wala sa gihapon nabuksan nga P680-million nga Ungka Flyover.
Sa interview sang Bombo Radyo kay Representative Ang, iya ginpahayag nga mas maayo nga pangabayon na lamang ang mga ini.
Suno pa sa iya, makatatlo na siya ka beses nga nagpakigkita sa mga opisyal sang ahensya kag nag-istorya kay Secretary Manuel Bonoan.
Nagpangayo man ini sang permanente nga solusyon nagikan sa ahensya sa labing madali nga panahon.
Nagmandu naman si Bonoan nga padasigon na ang pagkay-o sang amo nga imprasktaktura.
Maayo suno sa iya nga gindayon ni Bonoan ang pagpadulong sa flyover kag nagpatigayon sang inspection indi lamang sa Ungka kundi mangin sa ginatukod nga Aganan flyover.
Welcome man para sa iya ang igaduso ni Kabataan Party-list Representative Raoul Manuel nga congressional inquiry.
Nagpangabay man ini sa mga Ilonggo malapit sa flyover nga ugyunan nalang ang road widening project nga temporaryo nga solusyon sa problema.
