Desidido ang tennis player sang Ukraine nga nagapasakop sa Australian Open nga i-snub ang iya mga kasumpong halin sa Russia kag Belarus nga wala sang may hinimuan agud pamatukan ang Russian invasion.
Ang 20-anyos nga number two tennis player sang Ukraine nga si Marta Kostyuk amo man ang nangin agaw-atensyon sang nagligad nga tuig sang wala sini ginsunod ang customary handshake sa net kaupod sa former world number one nga si Victoria Azarenka nga halin sa Belarus nga sang amo nga tion naglutos sa iya sa US Open.
Ang Belarus amo ang ginakabig suod nga kaalyado sang Russia kag ginakabig pa nga mayor nga staging ground sang gyera sang Russia sa Ukraine.
Kahapon, daog ang Ukrainian tennis player sa iya una nga hampang batok sa isa ka American athlete.
Nahibaluan nga sa tanan nga grand slams, ang Wimbledon lamang nga ginapatigayon sa United Kingdom ang nag-ban sa Russian kag Belarusian players.
Ang duha pa sa grand slams amo ang US Open kag ang French Open.
Ginapahanugutan ang Russia kag Belarus nga maghampang sa Australian Open subong nga tuig apang wala sang flag ukon pungsod nga naka-display. ##
