ILOILO CITY – Ginbuyagyag sang Department of Health VI nga may yara sang irregularidad nga nagakatabo sa Western Visayas Sanitarium and General Hospital rason nga naatrasar ang sweldo sang mga contract of service personnel.
Sa ginpatigayon nga hearing sang Committee on Health sang Sangguniang Panlalawigan, ginpahayag ni Atty. Jan Valaquio, Attorney III sang Department of Health Region 6 nga ginapangpanas sang accountant nga si Mr. Conrad Sorongon ang pangalan sang mga personnel nga indi niya mauyunan.
Ini ang base sa ila pagpakig-angut sa Commission on Audit.
Nahibaluan nga ginrekomendar sang Department of Health Region 6 sa Sangguniang Panlalawigan nga i-reactivate ang Regional Hearing Committee sa pag-imbestigar sang internal problem sa amo nga ospital.
Tun-an naman sang Provincial Board ang amo nga rekomendasyon.
Nahibaluan nga ginpahayag ni Dr. Judy Ann Dumayas nga amo ang chief of hospital nga tuyo si Sorongon nga kontrol-on ang management humalin pa sang tyempo ni Dr. Annabelle de Guzman.
