Gina-preparahan na sang gobyerno ang pag-import sang 450,000 metric tons sang kalamay subong nga tuig.
Suno kay Sugar Regulatory Administration (SRA) Board Member Pablo Luis Azcona, apisar nagsaka na ang local sugar production, indi gihapon bastante ang output agud nga matatapan ang local demand.
Lakip sa gintumod nga rason sa paglain sa output sang kalamay sang pungsod amo ang climate change kag ang mataas nga gasto sa produksyon kag mangin ang pagpasirado sang milling company sa Batangas.
Ang volume nga iga-import sa 2023 ang mas mataas ipaanggid sa kabug-usan nga na-import sang 2022 nga nagdangat sa 350,000 metric tons paagi sa duha ka sugar orders.
Ginpahayag pa sang SRA nga luyag sang gobyerno nga may buffer stock nga pwede para sa duha ka bulan.
Suno pa kay Azcona, ang porsyon sang suplay nga iga-import subong nga tuig ang gilayon man nga i-ship agud nga ma-retail.
Wala pa sang sugar order nga ginpaguwa as of press time.
Ginpasalig man nga may ipain para sa domestic use kag may yara man para sa industrial use. ##
