ILOILO CITY – Aprubado na sa 14th Sangguniang Panlalawigan ang resolution nga ginduso ni Iloilo 3rd District Board Member Matt Palabrica nga nagahingyo kay President Ferdinand Marcos, Jr. nga padasigon ang ayuda para sa mga sugar farmers.
Ang resolution may tigulo “Resolution Urging His Excellency President Ferdinand R. Marcos, Jr. to Accelerate the National Government’s Assistance to the Sugar Farmers to Give Substance to the Legislative Intent Under the Sugar Industry development Act (R.A. No. 10659) Providing Subsidy to Sugar Farmers and to Tap all Available Unshipped Export Sugar Before Resorting to Importation.”
Suno kay Board Member Palabrica, apisar nga nag-import na sang kalamay ang Sugar Regulatory Administration, wala sa gihapon naga-estable ang presyo sang kalamay sa pungsod.
Pahayag niya, may mga report nga nabaton ang mga sugar farmers nga may yara na naman sang import program nga ipatuman ang Sugar Regulatory Administrasyon nga dako ang posibilidad nga makaapekto naman ini sa mga mangunguma.
Dugang pa sang natungan, tion na para nga matalupangdan sang national government ang kahimtangan ukon sitwasyon sang sugar farmers pinaagi sa paghatag sang ayuda sa mga mangunguma.
