ILOILO CITY – May bag-o na nga regional director ang Philippine Drug Enforcement Agency Region VI.
Ini amo si Melvin Estoque nga naghalin sa Philippine Drug Enforcement Agency Region IV-A.
Pagkatapos sang tatlo ka tuig, ginbuslan ni Estoque si Alex Tablate nga subong, assistant regional director sang Philippine Drug Enforcement Agency Region VIII.
Sa interview sang Bombo Radyo kay Atty. Bomrad Soc Abonado, spokesperson sang Philippine Drug Enforcement Agency Region 6, iya ginphayag nga ini ang kabahin sang mga pagbag-o nga ginpatuman sang bag-o nga director sang ahensya kag indi ma-relate sa performance sang mga regional directors.
Posible nga sa masunod pa nga semana maga-abot si Estoque sa rehiyon.
