Lauman nga may pagsaka sa presyo sang produktong petrolyo subong nga semana.
Suno sa oil industry sources, posible magsaka sang P3.00 tubtub sa P3.50 ang presyo sa kada litro sang gasolina.
Sa diesel naman, posible nga may P2.20 tubtub P2.70 nga saka sa presyo sa kada litro.
Sa kerosene, lauman nga may pagsaka nga P2.40 tubtub sa P2.90 ang presyo sa kada litro.
Gin-rason sang Department of Energy nga factor sa oil price increase ang amat-amat na nga pagbukas sang China matapos nga nag-protesta ang mga tawo sa zero Covid policy sang pungsod.
Ini suno sa ahensya ang nag-outweigh sa kahangawa sa global recession nga amo naman kuntani ang factor sa pagnubo sang oil price sa bug-os nga kalibutan.
Lunes ukon subong nga adlawa iga-anunsyo sang oil companies ang pinal nga adjustment sa presyo kag ipatuman ini epektibo buwas, Martes nga adlaw.
Bantayi ang update sa Bombo Radyo Iloilo.
