ILOILO CITY – Dako nga kadalag-an para sa syudad sang Iloilo kag sa mga Ilonggo ang ginpatigayon nga face-to-face Dinagyang Festival 2023.
Sa interview sang Bombo Radyo kay Iloilo Governor Arthur Defensor, Jr., iya ginpahayag nga isa ini ka pamaagi sa pagselebrar sang kadalag-an sang mga Ilonggo batuk sa pandemya.
Makabig man ini nga isa ka reward.
Ginpakita gid sang tagsa ka tribu nga ang Dinagyang Festival ang makabig nga world class festival.
Nahibalaun nga si Defensor ang personal nga nagtambong sang sini nga kahiwatan kag ang Barangay Kapitolyo ang nag-perform sa Kasadyahan sa Kabanwahan bilang non-competing tribe.
