Mga myembro sang Tribu Jalaud, premyohan man sang LGU- Calinog sang P2,000 kada isa magluwas sa nabaton nga cash prize nga P400,000 bilang champion sa Kasadyahan sa Kabanwahanan

ILOILO CITY – Hatagan sang local government unit sang Calinog, Iloilo ang tagsa ka mga myembro sang Tribu Jalaud sang P2,000.

Ini ang magluwas pa sa nabaton sang Tribu Jalaud nga premyo nga P400,000 bilang kampeon sa Kasadyahan sa Kabanwahanan 2023.

Sa interview sang Bombo Radyo kay Calinog, Iloilo Mayor Francisco Calvo, iya ginpahayag nga wala pa na-istoryahan kun sa diin gamiton ang P400,000 nga premyo sang Tribu.

Apang suno kay Mayor Calvo, nagsiling ang mga myembro sang Tribu Jalaud nga luyag nila nga magpadulong sa isla sang Boracay sa Pebrero 14.

Tubtob subong, nagapanglalapaw pa ang kalipayan sang alkalde mangin ang bug-os nga Calinognon bangud nangibabaw ang ila Tribu gikan sa walo ka mga nagpasakop.