Wala na sang mas espesyal nga adlaw sa duha ka tawo nga nagahigugmaanay kundi ang ila nga kasal.
Diri sila magapanumpa nga indi magbayaay, kag diri nila isugid sa atubang sang mga tawo kun daw ano nila kapalangga ang isa kag isa.
Apang sa isa ka kasal sa Dipaculao, Aurora, tumalagsahon ang natabo bangud sa mismo adlaw sang ila kasal amo man ang pagbata sang misis!
Makit-an nga kumpleto na ang entourage, nahimos na ang venue sang kasal kag bongga ang mga handa.
Apang bangud sa emergency, indi na makatambong ang babayi bangud nga yara ini sa ospital.
Suno sa groom nga si Jericho Sabado, indi man niya gusto nga ikanselar ang kasal bangud daku na ang ila naggasto.
Gani suhestyon sang pastor, tawgan na lang si misis sa ospital ukon indi gani, i-video call na lang samtang padayon ang seremonya.
Ang natabo, mannequin anay ang nagbulos kay misis sa kasal nga syempre, nagasuksok man sang puti nga gown nga tipikal nga ginagamit sa kasal.
Apisar medyo masubo ang groom, okay na ini para sa iya bangud nakabun-ag na si Misis sang isa ka healthy baby. ##
