ILOILO CITY- Nagsaka pa sa 17 ka mga banwa sa Iloilo ang naka-record sang African Swine Fever.
Sa interview sang Bombo Radyo kay Dr. Darel Tabuada, head sang Iloilo Provincial Veterinary Office ,ang ulihi nga nagdugang sa listahan amo ang Batad kag Dingle.
Antes sini, may yara nasang kaso sang balatian sa Oton, San Miguel, Leganes, Santa Barbara, New Lucena, Mina, Barotac Nuevo, Dumangas, Banate, Barotac Viejo, Zarraga, Janiuay, Badiangan, Dueñas, kag San Dionisio.
Suno kay Tabuada, base sa ila data, naglab-ut na sa 2,529 ka mga baboy ang apektado sang African Swine Fever sa Iloilo kag ini ang mahimo magtaas pa bangud sa ginahulat nga resulta sang iban nga samples sa mga baboy sa mga banwa nga ulihi nga nagdugang sa listahan.
