ILOILO CITY – Ginkadlawan lamang sang Regional Police Drug Enforcement Unit VI ang alibi sang pila sa mga nadakpan sa drug buy-bust operation sa Barangay Bakhaw, Mandurriao, Iloilo City.
Sa interview sang Bombo Radyo kay Police Captain Glen Soliman, team leader sang operating team, iya ginpahayag nga wala sila sang legal grounds kun ngaa nga didto sila.
Suno kay Soliman, imposible naman nga didto gid idul-ong sa suludlon nga lugar ang pasahero nga mahimo man nga madul-ong sa gwa.
Dugang pa niya, imposible man nga didto pa mangita sang tyangge ang residente sang iban nga distrito.
Nagdinalagan pa ang mga ini nga nagapakita lamang nga may sala sila suno kay Soliman.
Pahayag sang natungdan, sa korte na lamang nila sabton ang akusasyon batuk sa ila.
Kung balik-balikan, ang mga mag-utod mismo nga Leonor ang na-transaction sang poseur buyer.
Ang iban sa mga nadakpan ang nagagamit sang iligal nga droga kag ang iban ang nagahulat sang ila balaklon nga droga.
