Ginahitso pa subong sang Philippine national women’s football team ang listahan sang pinal nga players nga ipadala sa FIFA Women’s World Cup nga matabo na sa bulan sang Hulyo.
Halin sa masobra 30 ka players sa national team, 23 gid lamang ka stars kag veterans ang dapat dal-on sa official line-up nga dapat na isumite sa Hunyo.
Suno sa Australian head coach nga si Alen Stajcic, ginapilian pa subong ang players nga halin pa sa ila tagsa ka club duties sa Europa, Australia kag kaiping nga mga pungsod sa Asya.
Nalakip ang Pilipinas sa Group A sa una sini nga pagpartisipar sa Women’s World Cup kun sa diin makasumpong sini ang co-host nga New Zealand, Norway kag Switzerland.
Para sa Filipinas, daku nga lyabe sa ila preparasyon pag-abot sa estilo sang hampang ang patigayunon nga Pinatar Cup sa masunod nga bulan kun sa diin ila makaatubang ang Iceland, Wales kag Scotland. ##
