ILOILO CITY – Masami nga negatibo ang resulta sang anti-illegal drug operation nga ginapatigayon sang Regional Police Drug Enforcement Unit sa tion nga mag-coordinate sila sa Mandurriao Police Station.
Sa interview sang Bombo Radyo kay Police Brigadier General Leo Francisco, iya ginpahayag nga ginapaidalom na subong sa imbestigasyon ang amo nga report.
Sa pinakaulihi nga operasyon sang Regional Police Drug Enforcement Unit sa Barangay Bakhaw, Mandurriao kun sa diin 32 ang nagkaladakpan, wala ginpahibalo ang Mandurriao Police Station suno kay Francisco.
Dugang pa niya, ini man ang isa sa mga rason kun ngaa nga gin-relieve ang tanan nga mga pulis sa Mandurriao Police Station.
Ginpahayag dugang ni Francisco nga indi siya kumbinsido sa performance sang Mandurriao Police Station kag mangin sang Iloilo City Drug Enforcement Unit nga amo kuntani ang mas nakahibalo sa operasyon sang iligal nga droga sa ila nga jurisdiction.
