Nagpaandam si House Ways and Means Chair Representative Joey Salceda nga matabo ang malnutrisyon kun magpadayon sa pagsaka ang presyo sang itlog kag indi na masarangan baklon sang mga Pinoy.
Suno sa mamalidha, ang itlog amo kuntani ang pinakabarato nga available source sang protein para sa Filipino families rason nga kritikal ang papel sini agud nga matapna kag mabatuan ang malnutrition.
Dugang pa sini, dapat nga aktuhan na sang gobyerno sang presyo sang itlog antes pa man magsaka ang farm gate price sini.
Isa pa lamang ini ka trader issue subong suno sa mamalidha, apang kun maglala ang domestic chicken supply, magasaka man ang farmgate egg prices, kag mas mabudlay na ini nga solbaron.
Daku man ang pagpati sang opisyal nga ang smuggling sang frozen meat sa pungsod ang naga-resulta sa pagbuhin sang domestic farms sang total poultry populations.
Bangud sini, naganubo man ang egg supply levels.
Kun magpadayon ang smuggling kag undervaluation sang chicken imports suno pa kay Salceda, apektado ang operasyon sang poultry farms ukon posible man nga magsirado rason nga isa ini ka daku nga pamahog sa suplay sang itlog.
