ILOILO CITY – Ginkumpirmar ni Police Captain Noel Soliman, pinuno sang Regional Police Drug Enforcement Unit VI nga padayon ang ila assessment kag validation sa mga reports nga may yara pa sang nabilin nga mga drug dens sa Barangay Bakhaw, Mandurriao, Iloilo City.
Sa interview sang Bombo Radyo kay Soliman, iya ginpahayag nga maga-coordinate sila sa barangay officials.
Magluwas sa drug den, ginpahayag ni Soliman nga may mga reports man nga nakalab-ot sa ila nga may nagapadayon pa sa gihapon sang illegal drug activities sa barangay.
Nagpasalamat man ini sa mga pumuluyo sa lugar nga nagasalig sa ila indi kaangay sang nagligad nga nabudlayan sila nga magkuha sang impormasyon.
Kun balik-balikan, 32 ka mga indibidwal ang nadakpan sa ginpatigayon nga drug buy-bust operation sang Regional Police Drug Enforcement Unit VI sa Barangay Bakhaw, Mandurriao, Iloilo City.
Ang iban sa mga nadakpan ang nagpahayag nga wala sila sang kahilabtanan sa iligal nga droga kag nabutungan lamang sang kapulisan nga ginkadlawan lamang sang operating team.
