ILOILO CITY – Naka-record ang syudad sang Iloilo sang pinakauna nga death case bangud sa dengue.
Sa record sang Iloilo City Health Office- Epidemiology and Surveillance Unit, ang napatay ang nagikan sa Project 1, So-oc, Arevalo.
Enero 13 sang ginhilanat ang bata kag subong nga adlaw, Enero 31, nagtaliwan ini sa Iloilo Doctor’s Hospital.
Bangud sini, nagpahanumdom ang syudad sa mga barangay officials kag mga pumuluyo nga padayunon ang pagpatuman sang mga lihok agud nga matapna ang dengue.
