ILOILO CITY – Diri sa Pilipinas, madamo sang nagapati nga naga-exist si Santa Claus apisar nga wala nila personal nga nakita ini.
Sa Rhode Island sa Estados Unidos, isa ka bata nga babayi ang nagpadala sang sulat sa Cumberland Police Department nga naga-ayo nga kun mahimo, ipaidalom sa DNA test ang cookie kag carrot nga ginapatihan ginkaon ni Santa Claus kag sang iya siyam ka mga reindeers.
Ang nabilin nga pagkaon ang ginpasa sa Department of Health-Forensic Sciences Unit para sa analysis suno sa pulis.
Suno kay Matthew J. Benson, chief of police sa Cumberland Police Department, desidido gid ang bata nga mahibaluan ang kamatuoran.
Nagpasalig naman ini nga tinguha-an nila nga masabat ang pamangkot sang bata.
Naga-exist gid man bala si Santa Claus, ina ang bantayan bangud suno kay chief, magahatag siya sang update.
