ILOILO CITY – Nagtakop na ang application para sa Binibining Pilipinas 2023.
Naka-abot sa deadline ang mga fresh faces, showbiz personalities, kag pageant repeaters.
Lakip sa mga notable applicants amo sanday Jessie Salvador nga utod sang actress si Maja Salvador; former housemate sang isa ka reality television show nga si Reign Parani, kag host nga si Kiara Gregorio nga nangin Miss Philippines Earth – Air 2016, finalist sa Miss World Philippines 2015 kag Mutya ng Pilipinas 2015.
Nagpasa man sang application ang contract artist nga si Sharmaine Magdasoc kag Miss Manila 2015 finalist Zoe Santiago.
Ang duha ang lunsay trainee sang Kagandahang Flores beauty camp.
Yara man sanday Binibining Pilipinas 2022 semifinalist Anna Valencia kag Miss Tourism International 2021 Trisha Salvador nga nagikan sa Aces and Queens, Miss Batangas International Paola Araño kag Mutya Ning Kapampangan Lyra Punsalan.
Sa February 6, pagwaon na sang Binibining Pilipinas organization ang official candidates nagikan sa masobra sa 50 nga mga applicants.
