ILOILO CITY – Indi pa sigurado kun san-o makahalin sa Baluarte Elementary School ang mga nasunugan sa Barangay West Habog-habog, Molo, Iloilo City.
Sa data sang Iloilo City Disaster Risk Reduction and Management Office, 203 ka mga pamilya ang apektado sang sunog nga nagluntad sang Enero 28.
Sa interview sang Bombo Radyo kay Punong Barangay Lee Quimsing, iya ginpahayag nga base sa iya nahibaluan, patindugan anay sang temporary shelter ang mga apektado nga pamilya.
Pagkatapos sang isa ka tuig, mapatindog ang syudad sang tenement type nga building agud nga maistaran sang mga pumuluyo.
Pahayag dugang sang natungdan, ang mga nasunugan sang balay ang i-prayoridad.
Nahibaluan nga una na nga ginpahayag ni Iloilo City Mayor Jerry Treñas nga baklon sang syudad ang duta nga ginapanag-iyahan sang pribado nga pamilya.
