Preso ang imbestigador sang Anilao Municipal Police Station matapos naluthangan-patay ang isa ka lalaki nga gina-alegar malabo kuntani sa iya.
Ang police personnel amo si Police Master Sergeant Rodel Rodriguez samtang ang natiruhan naman amo si Eduardo Demavivas Jr., 40.
Natabo ang insidente sa Barangay Sta. Rita sa amo nga banwa.
Sa interview sang Bombo Radyo kay Police Captain Jersey Besas, hepe sang Anilao Municipal Police Station, iya ginpahayag nga nag-ugat ang insidente sang nag-away si Demavivas, Jr. kag ang iya amay nga si Eduardo Demavivas, Sr.
Sang hana nga bun-on sang anak ang iya amay, nagpalagyo kag nagdalagan ang amay sa balay sang pulis nga ila kasilingan.
Naguwa man ang pulis kag ma-responde kuntani, apang sunod nga nag-abot ang anak nga Demavivas nga may dala nga binangon.
Ginpahayag nga gintuyo man sini nga labuon ang pulis, apang nag-sige atras ang pulis tubtub nga na-corner ini kag wala na sang sarang nga maisulan.
Didto na suno sa hepe kag nag-gamit na lang ang pulis sang iya nga pusil kag gintiro ang anak nga Demavivas.
Nagsungka ang imbestigador sa Anilao Municipal Police Station samtang gindeklarar naman nga dead-on-arrival ang iya nga natiruhan.
