Gin-ako sang hepe sang Tubungan Municipal Police Station ang mangin ang kapulisan ang indi man kampante tubtub subong sa sitwayson sa nabukid nga mga barangay sa amo nga banwa pag-abot sa problema sa insurhensya.
Sa interview sang Bombo Radyo kay Police Captain Rodel Ojano, hepe sang Tubungan Municipal Police Station, iya ginpahayag nga ang makabig lamang nga safe gikan sa mga rebelde nga grupo amo ang mga barangay malapit sa Poblacion.
May 15 ka mga barangay nga gin-“clear” ang Philippine Army suno kay Ojano apang indi gihapon makabig nga “free” na gid sa mga rebelde, bangud alagyan gihapon ini nga mga barangay.
Nagpanawagan man si Ojano sa mga pumuluyo nga magreport gilayon sa pulis kun may makit-an nga makaduluda nga mga personalidad ukon kun may rebelde sa ila nga palibot.
Ang latest incident sa Tubungan ang natabo sang Huwebes sang gab-i kun sa diin ginpahayag ginsalakay sang mga ginapatihan myembro sang terorista nga grupo ang detachment sang 2nd Platoon sang 1st Iloilo Provincial Mobile Force Company sa Barangay Mayang.
Wala sang pulis nga pilason ukon napatay sa nasambit nga hitabo apang naalarman ang mga pumuluyo sa natabo nga bayluhanay sang lupok.
