Daog via unanimous decision sa iya una nga sambuwa sa Las Vegas ang subang nga anak ni boxing icon Manny Pacquiao nga si Jimuel.
Ginlutos ni Jimuel ang mas mabakod sini nga kasumpong nga si Marco Rosales sang Amerika sa 3 two-minute amateur rounds sang “Fights of Fury 8” charity event.
Ini ang Las Vegas debut ni Jimuel kag pang-anum naman sa tanan niya nga mga away sa iya boxing career.
Nagabug-at sang 136-and-a-half pounds ang anak sang Pinoy boxing legend samtang yara naman sa 148 pounds si Rosales.
Nakakuha si Jimuel sang commemorative belt pagkatapos sang amo nga kadalag-an.
Ang amo nga amateur boxing ang gin-organisa sang Manny Pacquiao Foundation agud makatipon sang pondo para sa pila ka non-profits sa Las Vegas.
Lakip sa nagsuporta kay Jimuel sa amo nga event amo sanday Olympic bronze medalist Eumir Marcial, former world champions Jerwin Ancajas kag Marlon Tapales, kag ang top contender nga si Jade Bornea.
