ILOILO CITY – Nagbida man ang pila ka mga Filipino-American talents sa 65th Grammy Awards.
Lakip diri ang Filipino-African-American nga si Steve Lacy nga nagdaog sang iya pinakauna nga Grammy para sa ‘Gemini Rights’ sa Best Progressive R&B Album category.
Nag-perform man ini sang iya kanta nga ‘Bad Habit’ nga nominated man sa major Grammy categories kaangay sang Record and Song of the Year, kag Best Solo Performance.
Ang 2022 Filipina-American Grammy winner nga si Olivia Rodrigo ang nag-anunsiyo sang nagdaog nga Best New Artist nga amo si Samara Joy.
Si Olivia ang kilala sa iya mga hit songs nga Drivers License, Happier, Traitor, Good 4 U, Deja Vu, kag All I Want.
Ang pila pa sa mga Pilipino nga may nominated projects sa Grammys amo sanday Grayson Villanueva, nga isa sa mga singers sa ‘Nobody Like U’ sa pelikula nga ‘Turning Red,’ kag si Andrea Macasaet para sa ‘Six’ Broadway musical cast album.
